Седмица 14-я по Пятидесятнице. Глас 4-й

Поста нет

Положения честного пояса Пресвятой Богородицы

Тропарь, глас 8
Богородице Приснодево, человеков покрове,/ ризу и пояс пречистаго Твоего телесе,/ державное граду Твоему обложение даровала еси,/ безсеменным рождеством Твоим нетленна пребывающи,/ о Тебе бо и естество обновляется и время./ Темже молим Тя мир граду Твоему даровати/ и душам нашим велию милость.

Тропарь, глас 4
Честнаго пояса Твоего положение/ празднует днесь Твой, Препетая, храм/ и прилежно взывает Ти:/ радуйся, Дево,/ христиан похвало.

Ин кондак, глас 2
Богоприя́тное Твое́ чре́во, Богоро́дице,/ объе́мший по́яс Твой честны́й,/ держа́ва гра́ду Твоему́ необори́ма/ и сокро́вище есть благи́х неоску́дно,// еди́на ро́ждшая, Присноде́во.

Cвященномученику Мирону Ржепику

Тропарь, глас 4
Це́ркве Ру́сския во́ине непоколеби́мый,/ священному́чениче Ми́роне,/ клевету́ гони́телей отве́ргл еси́/ и, во у́зах ве́ру и́стинную являя,/ Христа́ ра́ди да́же до кро́ве пострада́л еси́./ Ны́не же, во Ца́рствии Небе́снем пребыва́я/ и безсме́ртныя трапе́зы наслажда́яся,/ моли́ и нам в терпе́нии и му́жестве укрепи́тися// и прича́стники жи́зни ве́чныя бы́ти.

Кондак, глас 7
Го́спода всем се́рдцем возлюби́в,/ па́стырю до́брый и испове́дниче сла́вный,/ со упова́нием кре́пким вся терпе́л еси́/ и, Па́сху кра́сную в горьких работах с соу́зники пра́зднуя,/ Христо́ву побе́ду над сме́ртию возвеща́л еси́,/ то́ю же сквозе́ муче́ния я́ко свиде́тель ве́рный Господень проше́л еси́./ Сего́ ради, па́мять твою́ соверша́юще, си́це вопие́м:/ ра́дуйся, священному́чениче Ми́роне,// Ца́рствия Небе́снаго цве́те благоуха́нный.

В субботу, всем святым

Тропарь, глас 2
Апо́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, я́ко Бла́га, моли́те,// спасти́ся, мо́лимся, душа́м на́шим.

Кондак, глас 8
Я́ко нача́тки естества́, Насади́телю тва́ри,/ вселе́нная прино́сит Ти, Го́споди, богоно́сныя му́ченики;/ тех моли́твами в ми́ре глубо́це// Це́рковь Твою́, жи́тельство Твое́ Богоро́дицею соблюди́, Многоми́лостиве.

В субботу, за умерших

Тропарь, глас 2
Помяни́, Го́споди, я́ко благ, рабы Твоя́,/ и, ели́ка в житии́ согреши́ша, прости́:/ никто́же бо безгре́шен, то́кмо Ты,// моги́й и преста́вленным да́ти поко́й.

Кондак, глас 8
Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.